نصائح هامة للحوامل و الاطفال حديثي الولادة

كان عندهم حق.. فعلا مكنتش شفت حاجة...⁉

مكنتش شفت اني هكتشف نوع حب جديد عمري ما عرفته..❤

اني هيتشد شعري ويبقى على قلبي زي العسل...

اني هفرح لو شفت stool في البامبرز بعد امساك...💩😷

إن قلبي هيدوب لما اعرف ان انا اللي لما اشيله واحضنه هيبطل عياط...😢

ان حضنى هو الامان بالنسباله...

اني هركن السرير بتاعه على جنب عشان عايزة انام في حضنه واسمع نفسه....

اني متحمسة جدا اشوفه بيكبر قدام عيني👀 وفي نفس الوقت بقوله متستعجلش عايزة استمتع بكل لحظة...

انه هيبقو اول حاجة بتيجي في بالي لما اسمع اغنية حب...❤

إني عايزاه احسن مني في كل حاجة...👍

إن موبايلي اللي عاش معايا سنتين عادي في شهر بقى memory full من صوره...📷

إن لما بيطول في النوم ببقى عايزاه يصحى .. والله بتوحشنى

إن لما بيضحك بتضحكلي الدنيا...🌝

إن طز في أي حاجة طول ما هو معايا ...👪

إن اوقات بحضنه عشان انا اللى محتاجه حضنه

وان نظرة رضا وفرحه فعنيه وقسما بربى بالدنيا كلها عندى❤

قالولي مش هتدوقي طعم النوم...😪

وكانوا صح... مبقيتش اعرف انام وهو مش فى حضنى .. 

مبقيتش انام عشان بفضل طول الليل ابص عليه واشم ريحته وأحمد ربنا عليه وارقيه وأدعي ربنا يخلينا لبعض...👭💏

مبقيتش انام عشان لو عيان بسهر جنبه اطمن وارعيه.👀

مبقيتش انام عشان لما يحلم ويتخض اسمى عليه واطمنه❤

قالولي مش هتعرفي تعملي حاجة بيه...

وفعلا مبعرفش اعمل حاجة واحدة الا وهو معايا...

مبقتش احس بمتعه اى حاجه الا وهو جانبى فيها...👭

وان احلا وقت بنضحك من قلبنا لما بنلعب سوا 😻

#الامومة_مش_سهلة_بس_فعلا_مستاهلة😍

الله يرزق كل مشتاق